سلێمانی‌ : ده‌رچووانی‌ کۆلێژی پزیشکی ددان‌و پەرستاری داوای‌ دامه‌زراندن ده‌كه‌ن

دەرچوانی كۆلێژەكانی پزیشكی دان و دەرمانسازی و پەرستاری لە سلێمانی گردبوونەوە و رایانگەیاند، تاوەڵامی داواكارییەكانیان نەدرێتەوە لەناڕەزایەتییەكانیان بەردەوام دەبن.

ئەمڕۆ سێ شەممە 17-9-2019، دەرچوانی كۆلێژەكانی پزیشكی دان و دەرمانسازی و پەرستاری لەشەقامی سەهۆڵەكەی سلێمانی گردبوونەوە و لە بەیاننامەیەكدا داواكارییەكانیان خستەروو و رایانگەیاند: كە دەرچوانی چوار خولی هەریەك لەو بەشانە بەفەرامۆشكراوی ماونەتەوە و حكومەت لەئاست داواكارییەكانیان بێ هەڵوێستە.

وتیشیان: چەندین جار لەلایەن حكومەتەوە بەڵێنی دامەزراندنیان پێدراوە، بەڵام بێ ئەنجام بوون.

جەختیشیان كردەوە، كە لەناڕەزایەتییەكان بەردەوام دەبن و دەبێت سەرۆكی حكومەت و ئەنجومەنی وەزیران بەزوترین كات وەڵامی داواكاریی و ناڕەزایەتییەكانیان بدەنەوە.

 

ب - ل

Hits: 48
Category: