حزبی زەحمەتكێشانی كوردستان پرسەنامەیەك ئاراستەی دەفتەری سیاسیی حیزبی دێموکراتی کوردستان دەكا

بەڕێز: دەفتەری سیاسیی حیزبی دێموکراتی کوردستان

بابەت: پرسەنامە

بە داخێکی گرانەوە هەواڵی ماڵئاوایی، کەسایەتیی دیاری سیاسیی کورد و تێکۆشەری دێرینی حیزبی دێموکراتی کوردستان کاک جەلیل گادانی - مان بیست، لەو پێوەندییە خەمناکەدا، پرسەو هاوخەمی خۆمان بە دەفتەری سیاسیی حیزبی دێموکراتی کوردستان و هەموو تێکۆشەرانی حیزبی دێموکرات و ماڵباته بەڕێزەکەی ڕادەگەیەنین.

کاک جەلیل گادانی، یەكێك لەو تێكۆشەرە دێرینانەیە، كە شاهیدی سەردەمی كۆماری کوردستان بووەو لەو كاتەوە تێكۆشانی سیاسی دەستپێكردووە،لە سەردەمی حەمە رەزاشا، 13 ساڵ لە زیندان بووە،تەمەنێکی دوورودرێژی لە خزمەتی بزاڤی رزگاریخوازی گەلی کورد و بەرەنگاربوونەوەی ستەمی نەتەوایەتیی بەڕێ کرد.

ماڵئاوایی کردنی کاک جەلیل گادانی، ئەو خەباتگێڕە دێرین و سیاسەتوانە دیار و ناسراوە، نەک هەر بۆ حیزبی دێموکراتی کوردستان، بەڵکو بۆ بزووتنەوەی سیاسی کورد بە خەسارەتێکی گەورە دەزانین.
روحی کاک جەلیل گادانی شاد و کاروانەکەی پڕ لە رێبوار، سەبر و ئارامی بۆ هەموو لایەک.

مەکتەبی سیاسیی
حزبی زەحمەتکێشانی کوردستان
6ی ئابی 2020

Hits: 46
Category: