پورتوگال و فەرەنسا و بەلجیكا سەركەوتنیان تۆماركرد

لە میانەی یارییەكانی خولی نەتەوەكانی ئەوروپا ئەمرۆ چەند یارییەكی بەهێز و گرنگ بەڕێوە چو كە تێیدا هەڵبژاردەكانی پورتوگال و فەرەنسا و بەلجیكا سەركەوتنیان تۆماركرد.

هەڵبژاردەی پورتوگال بە ئەنجامی چوار گۆڵ بەرامبەر بە گۆڵێك لە هەڵبژاردەی كرواتیای بردەوە، گۆڵەكانی پورتوگال "جواو كانسێلۆ و دیێگۆ گۆتا و جواو فیلێكس و ئەندریا سیلڤا" تۆماریان كرد، تاكە گۆڵەكەی كرواتیاش بیتكۆڤیچ تۆماریكرد.

لە یاریەیكی دیكەدا هەڵبژاردەی سوید لە یاریگای خۆیدا میوانداری هەڵبژاردەی فەرەنسای كرد و یارییەكەشی بە ئەنجامی گۆڵێكی بێ بەرامبەر پێ دۆڕاند، تاكە گۆڵی یاریەیكەش كیلیان مباپێ لە خولەكی 41ی یارییەكەدا تۆماریكرد.

هەڵبژاردەی بەلجیكاش ڕوبەڕوی هەڵبژاردەی دانیمارك بۆوە، بەلجیكیەكان لەگەڵ ئەوەی لە دەرەوەی یاریگای خۆیان یارییەكەیان ئەنجامدا، بەڵام بە دو گۆڵی بێ وەڵام یارییەكەیان بردەوە و گۆڵەكانیش "جایسۆن دیناییەر و درایس مارتینێز" تۆماریان كرد.

ك-س

خشتە و كاتی گرنگترین یارییەكانی ئەمرۆ

یارییەكانی خولی نەتەوەكانی ئەوروپا بەردەوامی هەیە و ئەمرۆ چەند یارییەك لەسەر ئاستی جیاوازەكانی كۆمەڵەكانی ئەو پاڵەوانێتیە ئەنجام دەدرێت، كە چەندین روبەڕوبونەوەی بەهێز لە خۆدەگرێت.

خشتە و كاتی یارییەكان ئەمرۆ یەك شەممە..
وێلز × بولگاریا 4:00
ئەندۆرا × دورگەکانی فارۆ 4:00
هەنگاریا × ڕوسیا 7:00
ئیرلەندا × فنلەندا 7:00
سلۆڤینیا × مۆلدۆڤا 7:00
سویسرا × ئەڵمانیا 9:45
ئیسپانیا × ئۆکرانیا 9:45
سربیا × تورکیا 9:45
کۆسۆڤۆ × یۆنان 9:45
ماڵتا × لاتڤیا 9:45

ك-س

هەواڵێکی چاوەڕواننەکراو لەبارەی داهاتووی مێسییەوە

راپۆرتە رۆژنامەڤانییەکانی ئەرجەنتین هەواڵێکی چاوەڕواننەکراویان لەبارەی داهاتووی لیۆنێل مێسی، ئەستێرەی یانەی بارسێلۆنا بڵاوکردەوە و دەڵێن، بەڕێژەیەکی زۆر یاریزانەکە دەمێنێتەوە.

میدیای ئەرجەنتین لە دوایین هەواڵدا دەربارەی داهاتووی یاریزانەکە دەڵێت، ئەمڕۆ دوایین بڕیار لەبارەی مێسییەوە دەدرێت و بەرێژەی 90% یاریزانەکە لە یانەکەی دەمێنێتەوە.

مێسی گرێبەستەکەی لەگەڵ بارسێلۆنا تاوەکو 2021ـە، یاریزانەکە داوای رۆیشتنی کردووە، بەڵام پێدەچێت رۆیشتنەکەی بۆ دوای گرێبەستەکەی دوابکەوێت.

بەپێی میدیای ئیسپانیا، هیچ کۆبوونەوەیەکی دیکە لەنێوان باوکی مێسی و جۆزێپ ماریا بارتۆمیۆ، سەرۆکی یانەی بارسێلۆنا ناکرێت، سەرەڕای ئەوەی کە لە کۆبوونەوەی رۆژی چوارشەممەیاندا نەگەیشتوونەتە هیچ رێککەوتنێک.

بارتۆمیۆ سوورە لەسەر ئەوەی کە دەستبەرداری مێسی نابێت، باوکی یاریزانەکەش داوایکردووە رێگە بدەن لیۆ لە یانەکە بڕوات، بەڵام کارگێڕی بارسێلۆنا دەڵێت، لە پڕۆژەی داهاتوودا پشتی پێدەبەستین و چاوەڕێین بگەڕێتەوە نێو مەشق و راهێنانەکانی یانەکەدا.

 

ز.س

 

چیرۆكی مێسی به‌ مانه‌وه‌ له‌ به‌رشلۆنه‌ كۆتایی هات

دوای زیاتر له‌ ماوه‌ی 10 رۆژ له‌سه‌ر ده‌نگۆی رۆیشتنی مێسی له‌ یانه‌ی به‌رشلۆنه‌ به‌لام دواجار ناوبراو مانه‌وه‌ی له‌ به‌رشلۆنه‌ هه‌ڵبژارد.

له‌ میانه‌ی‌ لێدوانێكیدا بۆ پێگه‌ی‌ گۆڵی‌ جیهانی‌ مێسی‌ رایگه‌یاند : بێگومان بڕیاری‌ ڕۆشتنم دا له‌ یانه‌كه‌م به‌هۆی‌ ئه‌و كێشانه‌ی‌ كه‌ ڕووبه‌ڕووم بۆوه‌ و ئه‌م ساڵه‌ خراپه‌ی‌ كه‌ به‌ڕێمانكرد ، به‌لاَم كارگێڕی‌ یانه‌كه‌ به‌ هیچ شێوه‌یه‌ك ڕێگه‌یان نه‌دام منیش نه‌م ده‌ویست به‌رامبه‌ر ئه‌و یانه‌ی تێدا گه‌وره‌بووم بچمه‌ دادگا.

ووتیشی : دڵخۆش نەبوم و ویستم بڕۆم ، كارگێری بەرشەلۆنە بە سەرۆکایەتی بارتۆمیۆ زۆر کارەساتە شکستەکەى بایرن زۆر قورس بوو لەسەرمان، دەمانزانی رکابەرەکەمان بەهێزە بەڵام نەک بەو جۆرە بدۆرێین، ویستم کەمێک کات بڕوات و دواتر هەمو شتێک رون بکەمەوە.

زایاتر ووتی : بارتۆمیۆ هه‌موو كات پێی وتووم كه‌ له‌ كۆتایی وه‌رز ده‌توانیت بڕۆیت ، به‌لاَم ئه‌و خاوه‌نی‌ به‌ڵێنی‌ خۆی‌ نه‌بوو.

 

 

بيستون ...

باوکی میسی گەیشتە بەرشەلۆنە و لەگەڵ بارتۆمیۆ کۆدەبێتەوە

باوکی میسی گەیشتە شاری بەرشەلۆنە و پێشبینی دەکرێت ئەمڕۆ داهاتووی کوڕەکەی یەکلایی ببێتەوە.

لەوکاتەوەی میسی داوای رۆیشتنی لە یانەی بەرشەلۆنە کردوە ئیدارەی یانەکە نەیتوانیوە پەشیمانی بکاتەوە و بەناچاری پەنایان بۆ باوکی بردوە تا گفتوگۆی لەگەڵ بکەن.

ئەمڕۆ خۆرخی میسی باوکی لیۆنێل میسی ئەرجەنتینی گەیشتۆتە بەرشەلۆنە و بڕیارە کۆبونەوەیەکی چارەنوسساز لەگەڵ بارتۆمیۆی سەرۆکی یانەکە ئەنجام بدات.

راگەیاندنەکان تەئکید لەسەر ئەوە دەکەنەوە کە ئەو کۆبونەوەیە داهاتوی لیۆنێل میسی ئەرجەنتینی و کاپتنی بەرشەلۆنەی تیا یەکلایی دەکرێتەوە.

karwan