مەدرید بەبێ‌ رۆناڵدۆ و كریستیانۆی بێ‌ شاهانە

یاری تۆپی پێ‌ هاوبەشە لە نێوان 11 یاریزان لە مەیدانی یارییدا، یاریزانانی سەر كورسی یەدەگیش تەواوكەری پێكهاتەی سەرەكین، راهێنەری سەركەوتوو دەڵێت:11 یاریزانی لێهاتووم پێ بدە تاكو ئەنجامی باشت پێ بدەم، هاندرانی یانەی ریال مەدرید و یاریزان كریستیانۆ هەر یەكە بەشێوازێك پێشبینی و گفتووگۆ لە سەر رۆیشتن و لێك جیابونەوەی ریال و رۆنالدۆ دەكەن.

بەشێك پێیانوایە یانەی ریال مەدرید بەبێ‌ كریستیانۆ ناتوانی بەئاستێكی باش و سەركەوتوو دەركەوت و تووشی شكەستخواردن دەبێت.

بەشێكی تر بەبیرو هزرو فەلەسەفەی تۆپی پێ‌ تێرامانی داهاتووی یانەی ریال مەدرید دەكەن و دەڵێن: یانەی ریال مەدرید لە تواناو بەهێزی و گەورەیی خۆی ئاسیای دەبێت، لە سەر مێژووی خۆی ناوەستێ‌ و بەردەوام دەبێ، مێژووی ریال مەدرید زۆر بەگەورەتر و بەهێزتر دەزانن كە بەیاریزانێك و دووان بلەرزێت و بێهێزبێت.

ئەمانە شرۆڤەی هەندێ‌ لە شارەزا و لێزانەكانی تۆپی پێشە نەك بەتەنها جەماوەرو هاندەرانی یانەی شاهانە و كریستیانۆ.

راستە یاریزان كریستیانۆ یەكێكە لە باشترین گۆڵكار و هێرشبەرانی جیهان، خاوەنی كۆمەلێك ریكۆردی تایبەت بەخۆیەتی و یاریزانێكی ئەستێرەو مەترسیدارە، بەڵام یانەی ریال مەدرید خاوەن چەند یاریزانێكی لێهاتوو و ئەستێرە بووە و رۆلی كاریگەرو سەرەكیان هەبووە لە بەدەستهێنانی نازناوەكان.

رامۆس وەك سه‌ركرده‌ و گۆڵكارێكی رزگاركەر و زیرەك لە یارییە چارەنووسسازەكان، هۆكاری سەركەوتن و نازناوەكانی یانەی قەڵای مەدرید بووە، ڤاران له‌ دڵی به‌رگری لە دروستكردنی ناوچەیەكی ئارام و دوور لە مەترسییەكانی هێرشبەرانی ترسناك و ركابەر، جێگای دیار و بەرچاوە هه‌بووه‌، مارسێلۆ لە باڵی چەپ بەجولەی شەپۆلاوی و برینی یاریزانان و دروستكردنی هێرشەكانی پێچەوانە، بەردەوام جێگای مەترسی بووە لە پێدانی تۆپ بەیاریزانانی نێو هێڵی 18 یاردە بەتایبەت بە رۆناڵدۆ، كارڤاخاڵ بەرگریكارێكی هێرشبەرانەی باڵی راست و خاوەن دروستكردنی بێهێزی و لاوازی یانەكانی ركابەر بووە، لە پێدانی تۆپ بە یاریزانی نێو هێڵی سزا هاوشێوەی مارسێلۆ بووە.

هەر سێ‌ یاریزانی ناوەراست مۆدرێج، كرۆس، كاسیمێرۆ، بەهێزی و توانی یەكەمی یانەی ریال مەدرید ناویان دەهێت، مۆدرێج وەك ئەندازیارێكی جوانی نەخشەساز بۆ دروستكردنی یاری و ترسناك لە ناوەراست، هاوكارێكی تەواوی كریستیانۆ و تەواوكەری بەهێزی ریال بووە، كرۆس و كاسیمێرۆ دووانەی بەهێز و بەتوانا لە پركردنەوەی هێڵی ناوەراست و بەستنەوەی هەردوو هێڵی هێرشبەرو بەرگری پێكەوە، كاسیمێرۆ بەهێزی بەرگریكارانە و چاودێری یاریزانانی ئەستێرە، كرۆس بە بەرگریكردنێكی جوان و بەهێزێكی هێرشبەرانەو ترسناك لە وەشاندنی تۆپ و هەژاندنی تۆری گۆڵ، بەشی خۆی بەركەوتووە، كیلۆر ناڤاس گۆڵپارێزی یانەی شاهانە لە پارێزگاری كردن و پاراستنی هێمنانەی گۆڵی یانەی ریال مەدرید دەست، پەنجەكانی لە ئاست و توانای هونەری كەم ناكرێتەوە، جولە و شێوازی یاریكردنی یاریزانان گاریس به‌یل و بنزیما و ئەسینیسۆ و لۆكاس فاسكێز، رۆڵی كاریگەریان كەمتر نەبووە لە هێچێك لەو یاریزانانەی دیكە بە كریستیانۆ رۆناڵدۆشەوە بە تایبەت یاریزان به‌یل، یاری كۆتایەكانیش ئەو راستییە دەسەڵمێنێت بۆ یاریزان رامۆس و بێ

یانەی ریال مەدرید بەبێ‌ كریستیانۆ ناكەویت، یانەیەكی گەورەو بەهێزە، نەبوونی رۆناڵدۆی ئەوەندەی پێوە دیار نابێت، بەپێچەوانەوە كریستیانۆ ناتوانی سەركەوتوو بیت بەبێ‌ ریال مەدرید، لە ریال مەدرید تەواوی یاریزانان لەهاوكاری كریستیانۆ بوون و شێوازی یاری ریال مەدریدیش ئەوەی دەخواست.

نووسینی: جەلال سەعید

ئەمرۆ یاری كۆتایی سوپەری ئەوروپا ئەنجام دەدرێت

بریارە ئەمرۆ لەیاری كۆتایی پاڵەوانیەتی جامی سوپەری یانەكانی ئەوروپا هەردوو یانەی ریال مەدرید و ئەتلەتیكۆ مەدرید رووبەرووی یەكترببنەوە".

یارییەكە كاتژمێر (10:00)ـی شەو بەكاتی هەولێر لەیاریگای (لی كوك ئەرێنا) لەوڵاتی ئیستوانیا بەرێوەدەچێت".

یانەی ریال مەدرید وەك پاڵەوانی وەرزی رابردوی چامپیۆنس لیگ بەشداری دەكات ، ئەتلەتیكۆ مەدریدیش بەسیفەتی پاڵەوانی جامی یۆرۆلیگ دێتە نێو ركابەرییەكان".

لەریزی یانەی ریال مەدرید تەنها لوكا مۆدریچ لەیارییەكە بێ بەش دەبێت ئەویش بەهۆی ئەو پشووەی كە لۆپیتیگی بە یاریزانەكەیداوە".

لیۆنێل میسى بە بردنەوەى ٣٣ نازناوى جامى سوپەرى ئیسپانیا ژمارەیەکى پێوانەیى لەگەڵ بەرشەلۆنە تۆمارکرد

دواى ئەوەى بەرشەلۆنە لە جامى سوپەرى ئیسپانیا بە دوو گۆڵ بەرامبەر بە گۆڵێک لە سیڤیلیەى بردەوە و نازناوەکەى بەدەستهێنا، لیۆنێل میسى ژمارەى نازناوەکانى لەگەڵ یانە کەتەلۆنیەکە بۆ ٣٣ نازناو بەرزکردەوە، ئەمە بێجگە لەوەى ٣٥ نازناوى لە کاروانى وەرزشى خۆیدا بەدەستهێناوە.

بەمەش میسى کەوتە پێش ئەندرێس ئینێستاى هاوکارى پێشووى، کە ئەمەیش ٣٢ نازناوى لەگەڵ بەرشەلۆنە هەیە و بەم دواییانە پەیوەندى بە خولى ژاپۆنییەوە کرد.

میسى نۆ لالیگا و چوار چامپیۆنز لیگ و سێ جامى جیهانى یانەکان و شەش جامى شا و سێ جامى سوپەرى ئەوروپا و هەشت جامى سوپەرى ئیسپانیاى بەدەستهێناوە لەگەڵ بەرشەلۆنەدا.

میسى تاکە یاریزانە هەشت جار جامى سوپەرى ئیسپانیاى بەدەستهێنابێت و لە ١٨ یاریدا ١٣ گۆڵى تۆمارکردووە و تاکە پاڵەوانێتیشە وەک کاپتن جامەکەى بەرزکردبێتەوە.

یوفا ١١ گۆڵی بۆ خەڵاتی جوانترین گۆڵی وەرز دەستنیشانكرد

یەکێتی تۆپی پێی ئەوروپا لە سایتی فەرمی خۆیدا، بە هاوکاری چاودێرە هونەریەکانی یەکێتییەکەی لیستی ئەو گۆڵانەی بڵاوکردەوە، کە لە نێوانیاندا جواترین گۆڵی وەرزی رابردووی تێدا هەڵدەبژێردرێت، کە ١١ گۆڵە.

یەکێتییەکە ئاماژەی بەوە کردووە، گۆڵە پاڵێوراوەکان ئەو گۆڵانەن کە لە ماوەی ١٢ مانگی رابردوودا لە پاڵاوتن و پاڵەوانێتییەکانی یەکێتییەکەیاندا تۆمارکراون.

یەکێک لە گۆڵە پاڵێوراوەکان، گۆڵەكەی کریستیانۆ رۆناڵدۆ هێرشبەری پێشووی ریاڵ مەدرید و ئێستای یۆڤانتۆسە، کە لە قۆناغی چارەکی کۆتایی خولی یانە پاڵەوانەکانی ئەوروپای وەرزی رابردوو لە یۆڤانتۆسی تۆمارکرد.

دوای کۆتایی هاتنی پرۆسەی دەنگدان بۆ گۆڵە پاڵێوراوەکان، لە ٢٧ی مانگدا جوانترین گۆڵی ئەمساڵ ئاشکرا دەکرێت، جوانترین گۆڵی ٢٠١٧ش گۆڵەکەی ماریۆ ماندزۆکیچی کرواتی هێرشبەری یۆڤانتۆس بوو، کە لە یاری کۆتایی چامپیۆنز لیگدا لە ریاڵ مدریدی تۆمارکرد.

 

چی دەربارەی یاری كاراتێ دەزانی؟

 

کاراتێ یان کاراتێ-دۆ وشەیەکی لێکدراوی ژاپۆنی یە،‌ بە مانای ڕێگای دەستی بەتاڵ (کارا: بەتاڵ، تێ: دەست، دۆ: ڕێگا، ھونەر،ڕشتە، جۆر) کھ رێگایەکە لە ‌جۆرەکانی‌ ھونەری بەرگری لەخۆکردن. چ لە بواری فیزیکی و دەروونیەوە، کەوا لەمرۆڤ دەکات، بتوانێت زاڵ بێت بەسەر ھەموو کۆسپ تەگەرەکان، ‌لە کاتی بەرگری لەخۆکردن و ھێرشبردنە سەردوژمنان. وە توانای ئەوەی ھەبێت کە بتوانێت پەیوەندییەکی زۆر بەھێزوبەتین پەیدا بکات لەنێوان لەش، مێشک، ھۆش، بیرو ماسولکەکانی لەش، لەکاتی گرژی و ھەڵچوون و داچووندا. کە بەشەکانی یاری کاراتێ- دۆ بریتینە لە:

راھێنانی لەش وبەھێزکردنی ماسولکەکانی
بەرگری لەخۆکردن لەکاتی پێویستدا
وەرزش و پێشبرکێکردن بۆ ھاندانی ڕۆڵی وەرزشی
چاڵاکی‌ فۆرمەکان بە ھەموو لایەنەکانییەوە
جۆرەکانی ژیان و پێکەوە ژیان
فێربوونی جوڵانەوەکان و ھونەرەکانی (ھونەری جەنگ- مارشیال ئەرتس)
راھاتنی لەش لەسەر باری گرژی و خاوی
چۆنییەتی ھەناسە دان و وەرگرتن
بڕوا بوون بە خۆو دانبەخۆداگرتن
دوورکەوتنەوە لەشەڕی لاوەکی و خۆپاراستن

مێژووى يارى كاراتيَ

ئەم ھونەرە سەرچاوەکەی دەگەرێتەوە بۆ مێژوویەکی دێرین. کە لە ھیندستان لەسەر دەستی تامۆداروما تاشی (بودید ھارما) پەرەیپێدراوە، لە کڵێساوپەرستگاکاندا بەکارھاتووە. بۆ بەھێزکردنی لەش و مێشکی موریدەکان، بۆ ئەنجامدانی کاری خوداپەرستی و بەرگریکردن لە خۆو، کڵێسا و دابونەریتەکانیان. لە ساڵانی ٣٠٠ ی زایینی لە ھیندستان بەرچاو بووە، دواتر بەرەوناوەراستی چین گوازراوەتەوە. لھ ساڵی‌ ٥٠٠ی زایینی بەرەو وڵاتانی ئاسیاو دەوروبەری.

ئەم ھونەرە لەوڵاتی چین‌ پەرەیپێدراوەو پێشکەوتووە‌. چونکە دەستەڵاتدارەکانی ئەوسەردەمە ھەموو جۆرەچەکێکیان لەخەلکانی ئەم ناوە قەدەخەکردبوو، لەکاتی شەڕکردن لەگەڵ یەکتری، بۆیە ئەوانیش لەکاتی ململانێدا لەگەڵ یەکتر پەنایان بۆ جۆرەھا چەکی کوشندەتردەبرد وەک؛ ئەو دارو داس، چەقۆ، پەت و گوریس، شیر، ڕم و تیروکەوانە ھتد..کە ڕۆژانە لە کێڵگەو دەریاکاندا کاریان پێدەکرد. ھەر لەوێوەش بەرەو دوڕگەی ئۆکیناوا-ی ژاپۆنی ھاتووھ.‌ لەسەردەستی چەندین مامۆستاو راھێنەرو پسپۆڕانی ئەم بوارھ، لەوسەردەمەدا‌ گرنگی پێدراوە.

لە ساڵی ١٩٠٠ی زایینی لە دوڕگەی ئۆکیناوا یاری کراوە لەجۆری (ناھا-تێ، شوری-تێ و تۆماری-تێ ) کە مامۆستا جیگۆڕۆ کانۆ (١٨٦٠-١٩٣٨) (داھێنەری یاری جو- دۆ) باشترین و بەھێزترین کەسایەتی ئۆکیناوا بووە لەوسەردەم وبوارەدا‌، کە خاوەنی قوتابخانەی کۆ-دۆ-کان بوو. خۆی ئامادە کردبوو کە ئەم یاریە بگوازێتەوە بۆ ژاپۆن.

بەڵام لەناکاوێکدا زۆرچاڵاکانە مامۆستایەکی ئۆکیناوایی، ھونەری جەنگی و کوشتاری و مامۆستای قوتابخانە گیچن فوناکۆشی‌، لەساڵی ١٩٢٢ بە خۆیی و ڕشتە جوانەکەی بەناوی شوری- تێ گەیشتە تۆکیۆ- ژاپۆن. زۆر خێرای توانی جێگەی خۆی لەنێو دڵی ژاپۆنییەکاندا بکاتەوە، تاوەکو لە ساڵی ١٩٣٠ بەرەسمی-فەرمی دانیان پێداناو لە گشت دامودەزگاکانی میری و مەدەنی کاریان بۆ دەکرد. بەتایبەتی لەلایەن وەزارەتی پەروەردەی فێرکردن زۆر گرنگی پێدرا. لەدوای جەنگی جیھانی دووەمەوە ئەم یارییە بەرەو زۆربەی وڵاتانی جیھان گوازرایەوە.

ئەوەبوو لە کاتی مامۆستا (سەنسەی) گیچن فوناکۆشی ئەم یارییە بەتەواوی گۆڕانی بەسەرداھاتوو بە فۆرمێکی زانستییانە ھا‌تە مەیدان، تێکەڵ بە بواری خوێندن و زانکۆکان کرا، بۆیە تاکو ئێستا ئەم پیاوە بە دامەزرێنەری یاری کاراتێ- دۆ (شۆتۆکان) دادەنرێت لەجیھاندا کە بە خۆیی و کوڕەکەی (یۆشی-تاکا) زۆر لە ھەوڵ و خەمی ئەم ھونەرەبوون. یۆشی-تاکا لە کۆتایی جەنگی جیھانی دووەم کوژرا و یانەکەشیان بۆردومان کراو سوتێنرا لەلایەن دوژمنانی ژاپۆنەوە، کە ئەمە بووە ھۆی لێکەوتنی زیانێکی زۆرگەورە لە سەنسەی فوناکۆشی (١٨٦٨-١٩٥٧) وموریدانی ئەوڕێبازە لەسەرتاسەری جیھان.

جۆرەکانی يارى كاراتيَ

زۆر جۆری کاراتێ ھەیە ، کە ھەر یەکێکیان بۆ مامۆستایانی قوتابخانەیەک دەگەڕێتەوە . وە لە ھەموویان ناودارترو و بڵاو تر (شۆتۆکان)ــە ، کە ئەتوانرێ بوترێ سەر بە مامۆستای (Sensei) فۆناکۆشیە ، ھەوروەھا قوتابخانەیەک ھەیە بەناوی (کیۆکۆشینکای)، کە تارادەیەک ڕەق و توند و تیژن ، ئەمە جگە لە قوتابخانەی (گۆرجۆریۆ) کە گرنگترین نوێنەریان مامۆستا (سانسای شۆجۆن میاجی)یە. کاراتێ بە لێدانی توند و تێک شکێنەر جیائەکرێتەوە، بەڵام زۆرانبازی بەلێدان و تێھەڵدانە سەر زەوی و سوڕاندنی جومگە و فریشک جیا ئەکرێتەوە. مەشق کردنەکەشی دابەش ئەبێ بۆ سێ بوار : کەیھۆن و کاتا و کۆمیتی. ( کەیھۆن : مەشق کردنی جوڵە سەرکییەکانی کاراتێ یە، کاتا : زنجیرێک جوڵەیە ، کۆمێتی: بەمانای شەڕ کردن دێت).

کاراتێ بە بڵاوترین ھونەری شەڕکردن ئەژمێردرێت لە دوای تایکواندۆ لە جیھاندا ، ئەمیش بەھۆی گەشت کردنی قوتابیە لێزانە ژاپۆنیەکانی (مستەر فونا کۆشی جیچین فونا کۆشی) بەمەبەستی بڵاوکردنەوەی ئەم ھونەرە لە ھەموو جیھاندا ، بۆ نموونە تەنھا لە میسر (٤٦٠،٠٠٠) یاریزانی کاراتێ ھەیە.