بەڕێوەبەرە نوێیەكەی لیڤاندۆفیسكی لە ریال مەدرید نزیك دەبێتەوە

رۆبەرت لیڤاندۆفیسكی هێرشبەری پۆڵەندی و یانەی بایرن میونشنی ئەڵمانی تاڕادەیەكی زۆر لە گواستنەوەی بۆ یانەی ریال مەدریدی ئیسپانی لە ماوەی گواستنەوەی هاوینەی داهاتوودا نزیك بووەتەوە.

لیڤاندۆفیسكی لەلای یانەی ریال مەدرید بە گرێبەستی خەونەكان دادەنرێ بەهۆی دابەزینی ئاستی ئەم دواییەی كەریم بەنزیمای هێرشبەی فڕەنسی و رۆیشتنی ئەلڤارۆ مۆراتا بۆ یانەی چێڵسی ئینگلیزی لە هاوینی رابردوودا.

پینی زاهاڤی بەڕێوەبەرە نوێیەكەی كارەكانی لیڤاندۆفیسكی كە پەیوەندییەكی بەتینی لەگەڵ بەرپرسانی یانەی ریال مەدرید هەیە، ئاشكرای كردووە، كارەكانی یەكەمی برێتی دەبێت لە نزیكبوونەوەی ئەو هێرشبەرە لە یانەی شاهانە.

لە ماوەی رابردوو چەندان گەورە یانەی ئەوروپا هەوڵیان دابوو لە لیڤاندۆفیسكی نزیك ببنەوە لەسەرووی هەمووشیانەوە یانەی ریال مەدرید كە بڕیاریداوە لە ئێستاوە كار بكات تا كاپتن و هێرشبەرەكەی هەڵبژاردەی پۆڵەندا رازی بكات هاوینی داهاتوو گرێبەستیان لەگەڵ ئیمزا بكات.

لای خۆشییەوە بەرپرسانی یانەی بایرن میونشن رازی بوونە لە هاوینی داهاتوو دەستبەرداری لیڤاندۆفیسكی بن بۆ یانەی ریال مەدرید، بەتایبەت كە یانەكە پلانی داڕشتووە تیپەكەی نوێ بكاتەوە و گرێبەست لەگەڵ یاریزانانی لاو ئیمزا بكات.

 

Hits: 1105
Category: