سەیرترین ڕێگاكانی كەرەنتینە لە جیهاندا

زۆرینەی وڵاتانی جیهان ڕێوشوێنی لە پێشنەیان گرتووەتەبەر بۆ ڕێگریی لە بڵاوبوونەوەی ڤایرۆسی كۆرۆنا، بەشێكیان ڕێكارەكانیان تووندە و بەشێكی دیكەشیان شێوازی نوێ‌ و تاڕادەیەك سەیریان گرتووەتەبەر.

 

لە پەنەما هەزار حاڵەتی تووشبوون بە كۆرۆنا هەیە، ڕێوشوێنەكان بە پێی ڕەگەزە و ژن‌ و پیاو لە یەك جیاكراوەتەوە، لە ڕۆژی چوارشەممەی داهاتووەوە، هاووڵاتییانی پەنەما بۆیان هەیە ڕۆژانە 2 كاتژمێر بچنە دەرەوەی ماڵەكانیان، ئەوەش ڕۆژێك بۆ پیاون‌ و ڕۆژێك بۆ ژنانە.

 

 

ڕێوشوێنەكان لە كۆڵۆمبیا جیاوازە و ڕێگە بە بەشێك لە دانیشتووانی شارەكان دەدرێت بەپێی ژمارەی كۆتایی ناسنامەكەیان بچنە دەرەوە، بۆ نمونە؛ ئەوانەی ناسنامەكەیان بە ژمارە 0، 7، 4 كۆتایی دێت ڕۆژانی دووشەممەیان بۆ دیارییكراوە بۆ چوونە دەرەوە، ئەوانەش كە ژمارەی 1، 8، 5 لە كۆتایی ناسنامەكەیاندایە ڕۆژی سێ شەممەیان بۆ دیاریی كراوە.

 

 

سڕبیا تەنها ڕێگەی چوونەدەرەوەی بەو كەسانە دەدا كە خاوەنی سەگن، تەنها لە نێوان كاتژمێر 8 بۆ 9ی ئێوارە، ئەوەش زیاتر لەبەر سەگەكانیان بۆ ئەوەی بێتاقەت نەبن نەوەك مرۆڤەكان، خاوەنی سەگەكان بەوە ناڕازی بوون‌ و گوتیان، كاتژمێرێك بەس نییە، ناڕەزاییەكە بووە هۆی ئەوەی حكومەت ئەو بڕیارەش هەڵبوەشێنێتەوە و هیچ ڕێگایەكی چوونەدەرەوە نییە لەو وڵاتە.

 

 

حكومەتی سوید ڕێكاری كەرەنتینەی داوەتە دەست خەڵكەكە خۆی، پێی گوتوون بە عەقڵی خۆیان چۆنیان پێ باشە بەو جۆرە خۆیان بپارێزن، بەڵام كۆبوونەوەی زیاتر لە 50 كەس لە شوێنێكدا قەدەغەیە، قوتابخانەی خوار تەمەن 6 ساڵ‌ و چێشتخانە و قاوەخانەكان لەو وڵاتە كراوەن.

 

ك-س

 

 

كەرەنتینە لە مالیزیا ڕووداوێكی دروستكرد كە توڕەیی ژنان‌ و داوای لێبوردنی حكومەتی لێكەوتەوە، وەزارەتی كاروباری ژنان گرتەیەكی ڤیدیۆیی بڵاوكردەوە و داوای لە خانمان كرد لە كاتی كەرەنتینەدا ماكیاج بكەن‌ و خۆیان بۆ هاوسەرەكانیان جوان بكەن‌ و جل‌وبەرگی جوان بپۆشن‌ و هاوسەرەكانیان بێزار نەكەن، ژنان بەوە ناڕازیی بوون‌ و حكومەتیان ناچار كرد داوای لێبوردن بكات.

 

 

لە نەمسا دۆخەكە جیاوازە، لەگەڵ ئەوەی ڕێكخراوی تەندروستی جیهانیی دەڵێت كەسانی تەندروست پێویستیان بە بەكارهێنانی دەمامك نییە، بەڵام حكومەتی نەمسا خەڵكەكەی ناچار كردووە كە هەركەس بچێتە ماركێتەكان دەبێت دەمامك بپۆشێت، نەمسا چوارەم وڵاتی ئەوروپایە دوای چیك‌ و بۆسنە و سلۆڤاكیا بەستنی دەمامكی كردووە بە بڕیار و خەڵكەكە ناچارن بیپۆشن.

کۆمپانیای Google تایبەتمەندیەکی نوێی زیاد کرد

کۆمپانیای (Google) تایبەتمەندیەکی نوێی بۆ ئەپی (Google Translate) زیاد کرد بە ناوی (Transcribe) کە بریتیە لە گۆرینی قسە بۆ نوسین دواتر راستەو خۆ وەریدەگێرێت بۆ ئەو زمانەی کە دەتەوێت لە ئێستادا ئەم تایبەتمەندی بۆ سیستەمی (Android) بەردەستکرا دواتر بۆ سیستەمی (Ios)و سیستەمەکانی تر بەردەست دەکرێت.

 

ب - ل

ئەو كەسانەی كە شەكرەیان هەیە با ئەم میوانە نەخۆن

 

پزیشكان رایدەگەیەنن پێویستە توشبوانی شەكرە گرنگی زیاتربە تەندروستی خۆیان بدەن و بەووریایەوە ئەو خواردنانە هەڵبژێرن كە دەیان خۆن.بۆئەوەی ئاستی رێژەی شەكر لە خوێنیاندا بەرز نەبێتەوە.
ماڵپەری verywellhealth لەزاری پزیشكانەوە بڵاویكردوەتەوە كە چەند میوەیەك هەن مەترسین بۆ توشبوانی نەخۆشی شەكرە و پێویستە توشبوان ئەم میوانە نەخۆن ئەوانیش بریتین لە :
ترێ:برێكی زۆر شەكری تێدایە هەربۆیە باشتر وایە نەخورێت.
گێلاس:بەهۆی دەوڵەمەندی بە شەكرەكان خواردنی دەبێتە هۆی بەرزبونەوەی رێژەی شەكر لە خوێندا.
شاتوو:خواردنی شاتوو بەرێژەی زۆر دەبێتە هۆی ئەوەەی كە رێژەی شەكر دابەزیت و بۆیە باشتروایە توش بوانی شەكرە ئاگاداری ئەم حاڵەتەبن و بەووریایەوە بخۆن.
هەنجیر: خواردنی میوەی هەنجیر رێژەی شەكر لە خوێندا بەرز دەكاتەوە بۆیە هۆشداری دەدرێت كە نەخورێت.
ب - ل

بیل كلینتۆن بۆ یەكەمجار هۆكاری پەیوەندییە سۆزداریەكەی لەگەڵ مۆنیكا ئاشكرادەكات

بیل كلینتۆن سەرۆكی پێشوتری ئەمریكا بۆ یەكەمجار باس لەو پەیوەندیە سۆزداریە دەكات، كە لەگەڵ كارمەندێكی كۆشكی سپی بەناوی "مۆنیكا لوینسكی" هەیبو، ئاماژە بەوەشدەدات، هۆكاری پەیوەندییەكەی دڵەڕاوكێ بوە.

كلینتۆن لە زنجیرەیەكی دۆكیومێنتاریدا بەناوی "هیلاری" ئاماژەی بەوەداوە، پەیوەندیە سۆزداریەكەی لەگەڵ مۆنیكا بەهۆی ئەو دڵەڕاوكێیەوە دروستبوە، كە بەهۆی كارەكەی وەك سەرۆكی ئەمریكا توشی بوە.
رونیشیكردوەتەوە، بیانو هێنانەوە بۆ پەیوەندییەكەی بەرگریكردن نییە لە خۆی، بەڵام رونكردنەوەی روداوەكەیە، هەروەها پەیوەندیەكەی لەگەڵ مۆنیكا تۆقێنەر بوە.
ئەو سەرۆكەی پێشوتری ئەمریكا ئاماژە بەوەشدەدات، سەردانیكردنی راوێژكاری هاوسەرگیری سەختترین كار بوە كە ناچاربوە بیكات. دەشڵێت "بەداخەوەم لە بەرانبەر ئەوەی بەسەر مۆنیكا لوینسكیدا هات و وا هەستدەكات روبەڕوی زوڵم بوەتەوە و ژیانی بەتەواوەتی هەڵگێڕاوەتەوە".
پەیوەندییە سۆزداریەكەی كلینتۆن و مۆنیكا ماوەی 25 ساڵی بەسەردا تێپەڕیوە و ئەو پەیوەندیە كاریگەری خراپی لەسەر ژیانی سیاسی و هاوسەرگیری كلینتۆن هەبوو، تەنانەت خەریكبو كۆتایی بە هاوسەرگیریەكەی لەگەڵ هیلاریدا بێت.

 

 

ب - ل

کاریگەرییەکانی کەم خوێنی خانمانی دوگیان لەسەر منداڵەکانیان

 

ئاماژە بەوەشکراوە، ڕێژەی ئاسنی خوێن پێش 30 هەفتەی دووگیانی لەو كاتەدا كە مێشكی كۆرپەلە گەشەدەکات، كاریگەری تەواوی هەیە لەسەر كۆرپەلە، لە31 هەفتەی دووگیانی دا كاریگەرییەكە لەسەر دایكەكە‌و منداڵەكەش دروست دەبێت‌و كۆرپەلەئەگەری توشبونی بە ئۆتیزم هەیە.

 

بۆ چارەسەری ئەو گرفتەش،خانمانی دوگیان ڕۆژانە 15میلی گرام ئاسنیان پێویستە، ئەم ڕێژەیە لە قۆناغەكانی دووگیانیدا زیاددەكات كەئەمەش سوود بە كۆرپەلەكەی دەگەیەنێت‌و لە ئەگەرەكانی توش بوون بە ئۆتیزم كەمدەكاتەوە هەر بۆیە پێویستە خانمانی دووگیان لە قۆناغەكانی دووگیانیاندا زۆر ئاگاداری ڕێژەی ئاسنی خوێنیان بن.

 

 

ب - ل